O misterio de SLAB - Ponteareas
Durante os preparativos da exposición polo 5º aniversario de SLAB Arquitectura de Interiores, algo inesperado aconteceu.
No interior de Artistea, entre maquetas e planos, apareceu unha vella caixa metálica agochada detrás dunha parede. Dentro, había unha fotografía antiga e un recorte de xornal cun titular estremecedor:
“APARECE SEN VIDA UN MOZO DE PONTEAREAS NAS BEIRAS DO TEA. O CASO QUEDA SEN RESOLVER.”
A data: 1953.
O nome da vítima: Daniel Soutullo, aprendiz de deseñador e debuxante local.
Ninguén chegou a descubrir quen foi o responsable, e o caso caeu no esquecemento.
Agora, décadas despois, as pistas semellan renacer nos mesmos lugares que inspiraron a vida e o traballo do mozo.
O voso obxectivo será seguir ese rastro, conectar arte, historia e emoción, e descubrir quen —e por que— quixo borrar a súa memoria.
Como funciona?
Punto de inicio recomendado: Praza Maior
Modos de xogo:
Podedes xogar individualmente ou en grupo.
Todos os membros do mesmo grupo deben empregar o mesmo nome de equipo.
Regras:
- Precisades un teléfono con conexión a internet.
- Podedes comezar cando queirades: seguides as indicacións para chegar ao primeiro punto.
- Pedir pistas ou fallar respostas tres veces penaliza en tempo.
| Localización | Ponteareas (Pontevedra) |
| Datas |
dende o 18 de outubro de 2025 ás 16:30 ata o 18 de xaneiro de 2026 ás 23:59 |
| Duración | 1h 30m |
| Patrocinador |
Slab - Arquitectura De Interiores |
Indicacións:
-
Pódense usar pistas e mesmo saltar as probas, pero iso penalizará ao equipo en tempo.
-
Fallar tres veces na solución da proba fará que avances á seguinte, penalizándote tamén en tempo.
Material necesario:
- Teléfono móbil con batería e conexión a internet
- Papel e bolígrafo
- Calzado cómodo
