Cada ano, en novembro, Gontán énchese de vida coa súa feira máis emblemática: a Feira dos Santos, un punto de encontro de veciños, gandeiros e artesáns de toda Galicia.
Mais este ano algo mudou. O Esqueleto —esa figura que aparece sempre que a memoria dun lugar está en perigo— foi visto entre os casetos e a ponte, tentando borrar as historias que mantiveron viva a feira durante séculos.

A vosa misión é impedir que o consiga.

En cada parada atoparedes unha proba que mestura historia, observación e enxeño, e que vos permitirá recuperar fragmentos da memoria borrada.
Só se superades todas as etapas poderedes devolverlle a Gontán o espírito da súa feira e vencer unha vez máis a O Esqueleto.

Como comezar?

• Forma un grupo de persoas (amigos, familia… quen ti queiras!).
• Punto de encontro recomendado: Praza Campo da Feira – Gontán (Abadín).
• A experiencia funciona por xeolocalización, polo que debedes estar en Gontán para poder xogar.

Durante o xogo...

• Le con atención as historias, segue as indicacións e deixa que a feira te guíe.
• Cada pista levarate un pouco máis preto do segredo mellor gardado de Gontán.
• O Esqueleto quere borrar a memoria da feira, pero só quen saiba mirar con atención poderá restaurala.

Como funciona?

Modos de xogo:

• Individual
• En grupo: os equipos fórmanse ao iniciar o xogo.

Segue os pasos:
ESCOLLER MODO DE XOGO → EN GRUPO → ESCRIBIR NOME DO GRUPO

IMPORTANTE: todos/as os/as participantes deben crear o grupo co mesmo nome, escrito exactamente igual en cada dispositivo.
Os dispositivos sincronízanse: as accións contan para todo o grupo.

Regras do xogo

• Estás nun espazo público: coida e respecta a contorna.
• As persoas menores deben estar sempre acompañadas e baixo a supervisión dunha persoa adulta responsable.
• Ao rematar, podedes comparar as puntuacións no ranking de equipos.

Localización	Abadín (Lugo)
Datas	dende o 25 de outubro de 2025 ás 11:00
Duración	1h 30m
Patrocinador	Xogal

Localización

Valoracións