Castelao e as palabras agochadas é unha experiencia educativa e participativa inspirada na exposición Castelao -Mirar por Galicia do Museo Centro Gaiás.
A través de once probas, o público percorre as diferentes etapas vitais e creativas do autor: dende a súa infancia en Rianxo ata o exilio na Arxentina, descubrindo o seu pensamento humanista, político e artístico.

Cada sala propón un pequeno reto que conecta coa obra e coa mirada de Castelao: observar, comparar, ordenar, descifrar ou completar fragmentos das súas propias palabras.
O obxectivo é aprender xogando e descubrir que mirar tamén é comprender.

Obxectivo da misión

A experiencia recolle as once palabras clave que representan once ideas fundamentais do universo de Castelao.

Durante o xogo

Le con calma cada texto e deixa que as palabras de Castelao te guíen.
Moitas das pistas están á vista, pero outras requiren interpretar, comparar ou mirar desde outra óptica.

Valoraciones