En pleno corazón dos Ancares, Brañas da Serra convértese no escenario dunha experiencia inmersiva que combina historia, natureza e xogo. Inspirada en feitos reais da Segunda Guerra Mundial, “A luz vermella no monte” convida a descubrir o pasado mineiro e as lendas do wolframio mentres percorres camiños, bosques e aldeas cheas de memoria.

A misión é clara: recuperar o “Libro Perdido do Wolframio” e descubrir onde Xosé e o seu pai agocharon o mineral que podía cambiar o destino da guerra. Pero terás que ser máis rápido ca Garda Civil… e máis listo ca os contrabandistas que aínda rondan polos montes.

Como comezar?

• Forma un grupo de persoas (amigos, familia… quen ti queiras!).
• Punto de encontro recomendado: Casa Albaredo – Brañas da Serra
• A experiencia funciona por xeolocalización: debes estar en Brañas da Serra (Pedrafita do Cebreiro)  para poder xogar.

Durante o xogo...

Le con atención as historias, segue as indicacións e deixa que o monte te guíe. Cada pista levarate un pouco máis preto do segredo mellor gardado da serra.

O “Libro Perdido do Wolframio” só revelará os seus misterios a quen saiba escoitar o silencio da montaña e ver máis alá da luz vermella.

Como funciona?

Modos de xogo:

• Individual
• En grupo: os equipos fórmanse no momento de iniciar o xogo.

Segue os pasos: ESCOLLER MODO DE XOGO – EN GRUPO – ESCRIBIR NOME DO GRUPO
IMPORTANTE: todos/as os/as participantes deben crear o grupo co mesmo nome, escrito exactamente igual en cada dispositivo.

Os dispositivos sincronízanse: as accións contan para todo o grupo.

Regras do xogo:

• Lembra que estarás nun espazo público: coida e respecta a contorna.
• As persoas menores deben estar sempre acompañadas e baixo a supervisión dunha persoa adulta responsable.
• Ao rematar, podedes comparar as vosas puntuacións no ranking de equipos.

Localización	(Lugo)
Fechas	desde el 19 de Octubre de 2025 a las 11:00
Duración	1h 30m
Patrocinador	Xogal

Localización

Valoraciones